Juristar - seksjon juridisk vest

Har du lyst til å jobbe for eit godt arbeidsliv i Noreg? Arbeidstilsynet skal bidra til at tilsette ikkje blir sjuke av arbeidet eller skadde på jobb. Det er arbeidsgivaren som har ansvar for å sørge for godt arbeidsmiljø, men vi i Arbeidstilsynet kontrollerer og rettleier. Tilsyn er det viktigaste verkemiddelet vi har for å kontrollere at verksemdene i landet oppfyller krava i arbeidsmiljøregelverket. Dette inneber både kontroll og rettleiing i verksemder i ulike næringar og bransjar. Tilsyn er ofte retta mot organisatoriske forhold, psykososiale faktorar, ergonomi, teknisk sikkerheit, førebygging av ulykker, kjemiske og biologiske arbeidsvilkår, lønns- og arbeidsvilkår og kamp mot arbeidslivskriminalitet. Vi ønsker medarbeidarar med ulik kompetanse, livserfaring og bakgrunn og med ulike fagkombinasjonar og perspektiv. Det gir eit mangfaldig arbeidsmiljø som set oss betre i stand til å løyse oppgåvene. Har du i periodar stått utanfor arbeid, utdanning eller opplæring, er du også velkommen til å søke jobb hos oss. Vi vil legge til rette for medarbeidarar som har behov for det. Visjonen vår er «Saman for eit godt arbeidsliv». For å greie det styrer vi etter verdiane våre, som er «modig, klok og tydeleg». Det ønsker vi at du også skal vere. Vi søker no etter to juristar til den juridiske seksjonen vår i Avdeling tilsyn vest. Seksjon juridisk vest inngår som ein av seks seksjonar i Avdeling tilsyn vest. Arbeidsstad kan vere Ålesund, Førde, Haugesund eller Stavanger. Her vil du vere del av eit tverrfagleg miljø med juristar og inspektørar frå ulike fagområde. Seksjonen har ansvar for arbeid med lovbrotsgebyr, meldingar og tilrådingar til politiet, behandling av klagesaker (førsteinstans) og høyringar. Seksjonen skal vidare bidra med juristkompetanse i tilsynssaker og gjennomføre aktivitetar for å sikre einskapleg myndigheitsutøving, mellom anna kvalitetssikring. Dette inneber ansvar for juridiske avklaringar og anna juridisk tilsynsstøtte til inspektørar og leiarar i tilsynsseksjonane. Arbeidsoppgåver juridisk saksbehandling fagleg støtte og eventuelt deltaking i gjennomføring av tilsyn effektiv sanksjonering (gebyr og politimeldingar) i etterkant av tilsyn klagesaksbehandling i første instans generell juridisk rådgiving og rettleiing, internt og eksternt innspel og bidrag til høyringsfråsegner deltaking i interne møte og fagforum samarbeid med andre kollegaer, samarbeidande etatar og tilsynsmakter Andre oppgåver kan bli lagde til stillinga. Kvalifikasjonar juridisk embetseksamen eller master i rettsvitskap god kunnskap om grunnleggande omsyn og prinsipp i forvaltningslova god munnleg og skriftleg framstillingsevne på norsk samt beherske engelsk førarkort for personbil (B) Det er ein fordel om du også saksbehandlarerfaring har økonomisk forståing har kunnskap eller erfaring frå selskapsrett eller strafferett har kunnskap om lønns- og arbeidsvilkår liker å samarbeide med interne og eksterne samarbeidspartnarar har kunnskap om korleis arbeidslivet er organisert i Noreg tar ansvar og arbeider sjølvstendig, men også sørger for forankring av avgjerder Vi søker deg som har ein imøtekommande veremåte og trivst med å samhandle med menneske, både internt og eksternt har evne og motivasjon til å jobbe med samfunnsoppdraget vårt i ei myndigheitsrolle har initiativ og gjennomføringsevne er strukturert og styrer arbeidsdagen din innanfor gitte rammer er fleksibel og villig til å utføre oppgåver på nye område når det krevst ønsker utvikling, deler kunnskap og erfaringar og bidreg til å gjere kollegaene dine gode Det blir lagt stor vekt på personlege eigenskapar. Det er mange gode grunnar til å jobbe i Arbeidstilsynet. Hos oss får du lønn etter statens lønnsregulativ som rådgivar, kode 1434 (kr 630 000–770 000) eller seniorrådgivar kode 1364 (kr 680 000–975 000), avhengig av kvalifikasjonane dine gunstig lån- og pensjonsordning gjennom Statens pensjonskasse https://www.spk.no gode ordningar og fordelar https://www.arbeidstilsynet.no/om-oss/ledige-stillinger/hva-tilbyr-vi-vare-ansatte meiningsfylte arbeidsoppgåver innanfor eit viktig samfunnsområde gode moglegheiter for personleg og fagleg utvikling moglegheiter for å medverke og påverke eigen arbeidskvardag hyggelege kollegaer i eit utviklande læringsmiljø Viktig å vite før du søker Som tilsett i Arbeidstilsynet kan du normalt ikkje ha bierverv eller andre økonomiske interesser i verksemder som er underlagde tilsyn frå Arbeidstilsynet. Du kan be om unntak frå å bli oppført på den offentlege søkarlista. Hugs å hake av for dette i dei innleiande spørsmåla du svarer på i starten av søknaden. Vi kontaktar deg dersom du ikkje får innvilga unntak. Vi gjer merksam på at i utvida søkarliste vil alle søkarane vere synlege. Lista er likevel berre partsoffentleg, dvs. berre tilgjengeleg for søkarar på stillinga. Vitnemål og attestar må følge søknaden. Vi ber om at du hentar vitnemål frå Vitnemålsportalen når du søker stillinga. Dersom du har tatt heile eller delar av utdanninga di i utlandet, ber vi om ei autorisert omsetting av papir og vitnemål og godkjenning frå NOKUT ( http://www.nokut.no ) eller Direktoratet for høgare utdanning og kompetanse (hkdir.no). Ta kontakt om du har spørsmål om stillinga. Kontaktperson Kjersti Marie Gjerd, mobil 476 42 023