Spennende prosjektlederstilling innen samisk kulturarv

Se under for stillingsutlysning på norsk Sámediggi lea nationála álbmotválljen orgána sápmelaččaide Norggas. Sámediggi bargá politihka ja hálddahusa bokte vai sápmelaččat besset sihkkarastit ja ovdánahttit gielaset, kultuvrraset ja servodateallima. Sámedikki bargin lea dus vejolašvuohta doalvut Sámedikki min višuvnna guvlui Ovttas nannet Sámi. Seniorráđđeaddi / Prošeaktajođiheaddjin Virggi birra Sámedikkis lea rabas virgi prošeaktajođiheaddjin Interreg-prošeavttas Ä’rbb – Joint Strategy for Cultural Heritage and Traditional Knowledge. Prošeakta Ä’rbb galgá ásahit rádjerasttildeaddji ovttasbarggu nannet sámi immateriála ja ealli kulturárbbi suodjaleami ja geavaheami. Prošeakta ovttastahttá kártema, pilohteami ja mielváikkuhanproseassaid ovddidan dihte máhttovuođu, nannet ovttasbarggu ja láhčet vuođu oktasaš sámi politihkkadokumeanttaid ráhkadeames. Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasas ja Ájluovttas. Sámedikki bargit fertejit rehkenastit veahá mátkkoštit. Barggut Prošeaktajođiheaddjin de leat dus čuovvovaš barggut: - Barggut Čađahit dialoga sámi servodagain ja aššegullevaš oassádalliin - Identifiseret ja čuovvulit pilohtaprošeavttaid, mat gusket ealli sámi kulturárbbi čálihit listuide - Veahkehit ovttasbarggus UNESCO-konvenšuvnna hárrái, mii guoská immateriála kulturárbbi suodjaleapmái, ja áššáigullevaš analysaid čállit - Koordineret ovttasbarggu ja ráhkadit evttohusaid oktasaš politihkkii - Raporteret ja ovttasbargat Norgga ja Suoma sámedikkiin. Gelbbolašvuohta Dus ferte leat: - Mastergráda servodatdieđalaš fágain, almmolaš hálddašeamis, kultuvrra- ja servodatovdáneamis dahje eamiálbmotoahppu. Bachelorgráda vástideaddji fágasurggiin sáhttá árvvoštallojuvvot jus ohccis lea unnimusat vihtta jagi relevánta ja nanu bargovásáhus, - Čálalaš ja njálmmálaš giellagelbbolašvuohta dárogielas ja eaŋgalasgielas. - Diehtu sámi servvodaga ja kultuvrra birra. - Hárjáneapmi prošeaktajođiheamis dahje seammasullasaš barggus Lea sávahahtti ahte dus lea: - Vásáhus fágaidgaskasaš prošeavttain dahje prošeavttain siviilaservodaga ja almmolaš orgána gaskkas - Vásáhus rádjerasttildeaddji ovttasbargun sámis - Gelbbolašvuohta sámegielas - guorahallangelbbolašvuohta - Hárjáneapmi politihkalaš proseassain ja áššáigullevaš riikkaidgaskasaš rámmaid birra (omd. UNESCO-konvenšuvnnat, FPIC-prinsihpat ja eamiálbmogiid ehtalaš njuolggadusat kulturásurggis). Persovnnalaš iešvuođat: Don bargat iešheanalačča, ja leat čeahppi plánet, prioriteret ja čađahit iežas bargguid prošeavttas. Don leat maiddái struktuvrralaš ja systemáhtalaš, geas lea buorre bajilgovva plánain, čađaheamis ja raporteremis bargguid. Dus lea maiddái analysahálaš lahkoneapmi, ipmirdat ja dulkot máŋggabealat hástalusaid, máhtát maiddái máhttu bidjat čálalaš raporttaide ja policy evttohusaide. Don gulahallat čielgasit ja dus leat buorit ovttasbargonávžžat, dus boahtá leat jeavddalaš oktavuohta ja koordineret sámedikkiin, iešguđet ovttasbargoguimmiiguin ja olggobeale berošteddjiiguin gávdnat ollislaš čovdosiid. Don leat áŋgir gulahallat sámi servvodagain, hukset luohttevašvuođa árbevieruid guoddiiguin ja kulturdoaimmaheddjiiguin, ja gaskkustat dieđuid servodahkii čielgasit ja áššáigullevaččat. Gelbbolašvuođa árvvoštaladettiin deattuhuvvo oahppu, bargoduogáš, persovnnalaš heivvolašvuohta ja bargomiella virgái.Geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá. Bargoaddi galgá láhčit dili nu ahte ođđa bargi sáhttá čađahit sámegieloahpu ovdalgo guokte jagi leat vássán virgádeami rájes. Ohcanáigemearri 21.09.2026 Mii fállat Min luhtte beasat bargat miellagiddevaš bargguid Sámedikki máŋggabealat birrasis. Šattat oassin doaimmas man leat ovdánahttimin, ja gos lea bargomokta ja buorre bargobiras. Mii leat rámis go min guhkesáiggi mihttomearri lea ahte sámegiella lea min váldogiella, ja mii bargat strategiijaiguin olahan dihte dan mihttomeari guhkit áiggi vuollái. Mis leat ollu bargit geat dárbbašit sihke njálmmálaš ja čálalaš sámegielgelbbolašvuođa ovdal go mii olahit mihttomeari. Sámediggi čuovvu stáhta láhka- ja šiehtadusdoaimma. Min luhtte oaččut - Buriid loatna- ja ealáhatortnegiid Stáhta penšuvdnakássas, gessojuvvo 2% bálkkás Stáhta penšuvdnakássii. - Buohkain geat ásset guovlluin gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 20 proseanttain jahkái gitta 60 000 ru rádjai, sii ožžot maiddái sierra vearrogessosa. - Nuvttá mánáidgárdesadji Finnmárkkus ja Davvi-Romssas - Máškidis bargoáigi ja eará buorit čálgoortnegat - Vahkkosaččat sáhttá hárjehallat diimmu bargoáiggis - Gelbbolašvuođaloktema sámegielas ja kulturipmárdusas Máŋggabealatvuohta Sámedikkis Mii oaivvildit ahte fátmmasteapmi ja máŋggabealatvuohta lea givrodat. Mii háliidit mielbargiid geain lea iešguđetlágan gelbbolašvuohta, fágakombinašuvnnat, eallinvásáhusat ja perspektiivvat vai barggut čovdojuvvojit vel buorebut. Sámediggi ávžžuha evttohasaid, geain lea gelbbolašvuohta, ohcat bargui beroškeahttá agis, sohkabealis, nationála dahje čearddalaš duogážis, doaibmavádjitvuođas dahje CV ráiggis. Sámediggi lea IA-(SB) bargosadji (Searvadeaddji Bargoeallin) ja deattuha bargodilálašvuođaid heiveheami iešguhtege mielbargái. Bálká- ja bargoeavttut Virgi bálkáhuvvo Stáhta regulatiivva mielde virgekodas 1364 Seniorráđđeaddi dahje 1113 Prošeaktajođiheaddjin, 730.000 - 930.000 ru. jahkái,vuolgá ohcci bargohárjáneamis ja gelbbolašvuođas Bálká mearriduvvo ohcci bargohárjáneami ja gelbbolašvuođa vuođul. Virgádeapmi dahkkojuvvo gustovaš lágaid, njuolggadusaid ja šiehtadusaid olis. Virggis lea 6 mánu geahččalanáigi. Ná ozat virgái min lusa Orru go virgi miellagiddevaš ja háliidat go ohcat? Jus galggat registrerejuvvot siskkal